என் நாவலில் இருந்து ஒரு பக்கம்

என் நாவலில் இருந்து
பக்கம்
.
பளிங்கு தரையில்
செத்துக்கொண்டிருக்கும் அந்த சடலத்தை
வைக்க வேண்டாம் யென
வாக்குவாதங்கள் நடக்கின்றது
பார்வையாளர்கள் எந்நேரமும்
அனுமதிக்கப்படுகின்றார்கள்
அவர்ளின் ஒருமித்த
அனுதாபம்
" உழைச்ச உடம்பு
இப்புடி கிடக்கே "
உண்மையும் கூட...
ஆனால் அதுமட்டுமில்லை
அவள் துஷ்டம் செய்தவள்
அந்த துஷ்டம்
இழுத்து வைத்திருக்கிறது
அவள் உயிரை
அவளை தூக்கி
போட்டு புதைத்த பின்
இப்படி எழுத வேண்டும்
" துஷ்டம் செய்யாதே "
.
ஒரு இளையவள்
பற்றிய விஷயம்
அவள் என்னோடு
பேசுக்கையில்
அண்ணா வென்று
அழைக்கவே
பழகி கொண்டாள்
அவளை தோழியாக
அடைய முடியமால் மனம் வருந்தினேன்
அவளை அபகரிப்பு செய்யும் மன உந்துதலில்
வேறோரு தொலைப்பேசி
இலக்கத்திலிருந்து அவளை
அணுகினேன்
சுய விசாரிப்புகளில்
அவளை விட
ஒரு வயது இளையவன் யென
பொய் உரைத்தேன்
இந்த முறை
அவளை அக்காவென்று அழைக்க வேண்டுமாம்
என் நிலைமையை
நானே நொந்துக்கொண்டேன்
உறவு முறை பகுத்தவனின்
தூக்கிலிட வேண்டும்
தொலைந்து போகட்டும்
அவள் நம்பிக்கை கூரிய உறவாகலாமென்றால்
முதலில் அவளுக்கே
அவள் மேல்
நம்பிக்கை இல்லையாம்
.
நான் பயத்தோடு
நடுங்கிய குரலில்
பேசிய தொலைப்பேசி உரையாடலை
பதிவு செய்து நண்பர்களிடம்
காண்பித்து விட்டான்
மற்றொரு நண்பன்
நான் மனம் குறுகி
நண்பர்கள் முகம்
பார்க்க முடியமால்
தள்ளாடினேன்
அடிக்கடி சொல்லி காட்டி
சிரிக்கிறார்கள்
இதே போல்
கேலி விளையாட்டு
இதற்கு முன் அவர்களுக்கு
நிகழ்ந்திருக்கிறது
இப்போது தான்
நினைவுகூர்ந்தேன்
இச்சம்பவத்தின் மீள் நினைவு
நண்பர்களின் மனதில்
ஏற்படமால் இருக்க
தள்ளிபோடுமா காலம்
.
ஒரு மணமான
வெள்ளைக்காரியிடம்
நல்ல பழக்கம்
ஏற்பட்டிருந்த ஒரு நாளில்
அவளுடைய உரையாடல்களை
தொகுத்து
ஒரு ஆடவனுக்கும்
வெள்ளைக்காரிக்கும்
விடுதியில் ஏற்படும்
காதல் கதையாக
எழுத போகிறேன்
என்றேன் அவளிடம்
கீரிச்சிட்டு பறவை மொழியில்
திட்டி மறுத்து பேசினாள்
இதற்காக
வேறொரு பெண்ணை
அணுகி கொள் யென
என் நட்பை
தூண்டித்து விட்டாள்
.
நான் தினமும்
டீ குடிக்க பழகிக்கொண்டவன்
ஒரு மாறுதலாக
காபி குடித்தேன்
நிறுத்தி குடிக்க
வழக்கத்தை விட
கொஞ்சம் நேரம்
தாமதமானது
இதே போல்
இது வரை
காபி குடித்து விட்டு
மாறுதலுக்கு
டீ குடித்தால்
இதே தாமதம்
ஏற்பட்டிருக்குமோ

என்னுடைய "என் இரவுகளை காலி செய்பவள் " நாவலில் இருந்து ஒரு பக்கம்

ஏறக்குறைய அவளுக்கும் எனக்கும்

என்ன நேர்ந்தது என்பதையே
இருவரும் மறந்து விட்டோம்.
மிதமான விசாரிப்புகளால் என்னை குளிர்வூட்டினாள்.
அது எனக்கு போதுமானதாக இல்லை.
அவளை என் வழியில் செலுத்த வேண்டியிருந்தேன்.
ஆனால் அவளோ என்னை
அவள் வழியில் கட்டியிருந்தாள்.
.
வார இதழுக்காக எழுதிய குறிப்பு ஒன்றை
அவளிடம் காண்பித்தேன்.
" காதல் புரியாத வயதிலே
எனக்கொரு காதல் தோல்வி இருந்திருக்கிறது , தற்போது
நண்பர்களின் காதல் பேச்சுகள் என்னையும்
காதல் தேடியலைய
தூண்டுகின்றது .
இருந்தாலும் வேண்டாம்
ஏனெனில் இறுதியில் அவர்களுக்கு உடைந்த
கிளிஞ்சல்கள் கூட கிடைக்கலாம் " யென்று
எழுதியிருந்தேன்.
எதுவும் சொல்லவில்லை
திருப்பி கொடுத்துவிட்டாள்.
.
என் தேகம் மிதக்கும்
அவள் கண்களை பார்த்தேன்.
எனக்கு சில குறிப்புகள்
கிடைத்தது.
"என்னை காதலிக்கவேயில்லை
என்கிறாயோ . சில நாள்களுக்கு முன்பு என்னை
காதலிப்பதாக சொன்னது சூட்சுமமா ".
தண்டவாளங்கள் பழகும் வரை இரயில் பெட்டிகள்
தடதடக்கிறது

என்னுடைய "என் இரவுகளை காலி செய்பவள் " நாவலில் இருந்து ஒரு பக்கம்

மெல்லிசான குரலில் வணங்கினாள்.
நான் ஒழுங்கற்ற காகிதங்களை
அடுக்கி வைப்பதில்
மும்மராக இருந்தேன்.
தலையாட்டினேன்
கொஞ்சம் தாமதமாக.
" என்னோடு பேசலாமா
வேண்டாமா என யூகிக்கிறாயா ...?" என்றாள். அவள்
வார்த்தைகளால் சில்லிட வைத்தாள்.
தசைகள் சுலபமாகி விடுத்து
சிறு பறவையென
குதூகலமாய் பறப்பதாய்
உணர்ந்தேன்.
உடனே அவள் சொல்வதை மறுந்தேன்
சந்தேகமில்லை தெளிவான மறுப்பு.
அதற்கு மேல் அவளுக்கு
பேசுவதற்கு வார்த்தைகள் பிடிபடவில்லை.
நானே தொடர்ந்தேன்.
" உன் பயணங்கள் பிறருக்கு பயன்பட
ஏதேனும் கொள்கை இருக்கிறாதா ? " என்றேன்.
"ம்ம்ம் .... இல்லை " என்றாள் மலைப்பாக.
"ஆனால் எழுதுவதற்கு ஆசை இருக்கு "
"உன்னை போல் எழுதுவதற்கு
சில காலம் ஆகும் " என்றாள்.
"சிலருக்கு என் எழுத்துக்கள்
குப்பையாக தோணலாம்" என்றேன்.
"அப்படியிருக்காது " மறுத்தாள்.
" உன் எழுத்துகளில் நீ
விசித்திரம் கூட்டுகின்றாய் " என்றாள்.
"ம்ம்ம்... " என்றேன்.
நான் சில உத்திகளை
கற்று தந்தேன்.
"உடனே செய் " என்றேன்.
"அலுப்பாக இருக்கிறது. நாளைக்கு பொருந்தி
அமர்ந்து எழுதுகிறேன் " என்றாள் கொஞ்சலாக.
சில நேரங்களுக்கு நானும்
அவளும் மௌனங்களால்
கட்டுண்டோம்.
"ஏதேனும் வேலை இருக்கிறதா .? " என்றேன்.
"சொல்லு "
"எதுவும் இல்லை "
"ம்ம்ம் ... "
"இன்னும் நான் உன்னை பற்றி முழுதாக அறியவில்லை .? " என்றேன்.
அவள் பேசவில்லை.
அதே மௌனம்.
அவள் பழகிவிட்டாள்.
அவள் கனத்த மௌனம்
வலித்தது.