உன்னை அணுகுவது

குறித்து வைக்கிறேன்
திட்டமிட்டு
ஜாக்ராதையாக
எதிர்பார்த்தபடி
எதிர்பார்க்கமாலும்
உன்னை எப்படி
அணுகுவதென்று
.
மயிர்கால்கள் சிலிர்கிறது
கை இடுக்குகளில் வியர்த்து
சட்டை நனைந்து விடுகிறது
ஒரு விபத்துக்கு தயாராகிவிட்டேன்

உன் மீள் வரவு

மீந்த இந்த இரவு
குளிர் உறைகிறது
என் தேகக்கூட்டில்
கண்கள் இருள் தேடி பிசுபிசுக்க
போர்வைக்குள் முடங்க
சக பறவை கூடு அடையும்
குதூகலிப்பின்றி
உன் வரவை
அறியமால் கிடந்தேன்
மிதமான விசாரிப்புகளுடன்
தொடங்கியது நம் சம்பாஷணைகள்
நீ இல்லாத நாட்களின்
நல்லதையும் அல்லதையும்
பகிர்வதாய் தயாரனேன்
உனக்குள் ஆச்சரியங்கள்
பிளவிட்டிருக்கலாம்
உனக்கான சுவாரசியத்தின் நுனி
பற்ற வைத்த படி
காலி கோப்பையில்
முடியது எனக்கான இரவு

பத்தி 2

பத்தி 2 : . ஒரு விஷயம் எனக்கு பிடிக்கவேயில்லை . ஒரு சாதனையாளன் எப்போது பிறந்தான் மற்றும் அவர் பின்புலம் பற்றிய கேள்விகள் அதில் எந்த சுவாரசியமும் இல்லை தேவையும் கிடையாது அவர் எத்தனை இடர்பாடுகள் கடந்து வந்தார் அவர் வாழ்க்கை சுவராசியங்கள் முக்கியமாக தெரிந்து கொள்ள வேண்டியது . கல்வி தேவையில்லாதை உட்புகுத்துகிறது தற்போதைய மாணவர்கள் சாதனையாளர்கள் சுயபுலம் பற்றி விவரிக்கும் அளவுக்கு அவர் செய்த சுவராசியங்கள் பற்றி அறிவதில்லை .

தாவரம்

காற்றை இடைமறிந்து
ஸ்பரிசிக்கும் அதே நேரத்தில்
வலை பின்னும் சிலந்திக்கு
கை விரிக்கும் தாவரம்

காக்கை மனிதர்கள்

பத்தி - 1 : . பொதுவாக காக்கைகள் உணவுக்காக அலையும் , மனிதர்கள் கை ஒங்கினால் பறக்க பாவனை செய்து பின் அமரும். மனிதர்களிடமும் காக்கை தனம் ஒளிந்துள்ளது . சாதுர்யமானவர்களின் கேலி பேச்சுகளில் அடிபடும் அப்படிபட்ட மனிதர்கள் சம்பவ இடங்களிலிருந்து மீள முயன்று பின் தன் காக்கைகள் அல்ல என்பதை உணர்ந்து எதிர்த்து பேசி திரும்பவும் தோற்கிறார்கள் . நானும் கூட சில நேரங்களில் சாதுர்யமானவர்களில் வார்த்தைகளால் அடிபட்டுருக்கேன் . விரட்டபட்டுருக்கேன் . அவர்களின் தலை மறைந்த பின், தன்னை விட தழைத்தவர்களை வார்த்தைகளால் விரட்டியிருக்கேன் . அவர்களும் காக்கை தனம் கொண்டு பறக்க பாவனை பின் செய்து அமர்வார்கள் . அப்படிபட்ட காக்கை தனம் கொண்ட மனிதர்களை ஒரு நாளும் பார்த்ததில்லை உணவுக்காக அலைந்ததை.