மீந்த இந்த இரவு
குளிர் உறைகிறது
என் தேகக்கூட்டில்
கண்கள் இருள் தேடி பிசுபிசுக்க
போர்வைக்குள் முடங்க
சக பறவை கூடு அடையும்
குதூகலிப்பின்றி
உன் வரவை
அறியமால் கிடந்தேன்
மிதமான விசாரிப்புகளுடன்
தொடங்கியது நம் சம்பாஷணைகள்
நீ இல்லாத நாட்களின்
நல்லதையும் அல்லதையும்
பகிர்வதாய் தயாரனேன்
உனக்குள் ஆச்சரியங்கள்
பிளவிட்டிருக்கலாம்
உனக்கான சுவாரசியத்தின் நுனி
பற்ற வைத்த படி
காலி கோப்பையில்
முடியது எனக்கான இரவு
No comments:
Post a Comment