டியூசனுக்கு எனக்கும்
சேர்த்து பேனா
கொண்டு வரும்
உன் சிநேகம்
டியூசன் மிஸ்ஸின்
பிரம்பு அடியையும் மீறி
புத்தகத்தை மறைத்து
வைத்து காதில் கிசுகிசுப்போம்
தினம் இரவு
டியூசன் விடுகையில்
உன் வீட்டு சந்து
திகிலூட்டுவதாய்
வீடு வரை
கொண்டு போய் விட
சொல்லி கைபிடிப்பாய்
உன் வீடு வரை
உன் இடை விடாத
பேச்சு என்னை இதமூட்ட
அன்று விசித்திரமாய்
நீ டியூசன் வராத
பொழுதுகள்
உன் எதிர் வீட்டு
தோழியிடம்
காரணம் கேட்டு
திகைப்படைந்தேன்
சில நாட்களிலே
நீ திரும்பிய
பொழுதொன்றில்
வெட்கத்தோடு
உன் சீர் ஆல்பம்
காண்பித்தாய்
அன்றிலிருந்து
டியூசன் விடுகையில்
உன்னை
கூட்டி போக
உன் அம்மாவோ
அல்லது அப்பாவோ
வர
பழகிக்கொண்டார்கள்.
No comments:
Post a Comment